Дуней хьэху. Усэбэ

Брат Мурат

Сборник стихов поэта Брат Мурата «Бренный мир» на черкесском языке. Мурат из поколения новой волны поэтов, привнесших в черкесскую поэзию новые веяния, гармонично вплетая их в старые традиции.

Бжьыхьэ

Мы си псэм бжьыхьэр пкъыуэ щ1эуващи,

Жэбза дунейм тэмакъыр ф1екъузык1.

Мо псым щ1элъ мывэр си нэм къыщ1эплъащи,

Къысф1ощ1 а мывэм сэ сызэхищ1ык1.

Гъэпщк1уп1э симы1эжу, уэхым ситщи,

Гурыгъур бгъафэм уэру къыдолъей.

Псэ зэхэщ1ык1ым тегъэщ1эн сищ1ащи,

Сэ гуры1уэгъуэр тк1ийуэ къызолей.

Нэ1уагъ игуэшу бжьыхьэр къек1урэхащи,

Дэсхын гу бамп1эр сэ схузэф1эмык1.

Щхьэзэкъуэныгъэр си псэм пкъырыхьащи —

Мо псым хэлъ мывэ псори къыщ1оплъык1.

Щхьэж и мывэжьыр псыхъуэм къыдоджык1ри,

Псым и уэрэду макъхэр зэхохьэж.

Щхьэзакъуэныгъэу щы1эр зы мэхъужри,

Тхьэзакъуэныгъэу уэгум ар йохьэж.